FLASHNEWS
OUR ORGANISATIONS NEWS
മാര്‍ ഗ്രിഗോറിയോസ് ഓര്‍ത്തഡോക്‌സ് മഹാ ഇടവകയിലെ യുവജന പ്രസ്ഥാനത്തിന്റെ നാല്‍പതാമത് വാര്‍ഷികാഘോഷങ്ങള്‍ക്ക് തുടക്കമായി.

മസ്‌കത്ത്: മാര്‍ ഗ്രിഗോറിയോസ് ഓര്‍ത്തഡോക്‌സ് മഹാ ഇടവകയിലെ യുവജന പ്രസ്ഥാനത്തിന്റെ നാല്‍പതാമത് വാര്‍ഷികാഘോഷങ്ങള്‍ക്ക് തുടക്കമായി. റൂവി സെന്റ് തോമസ് ചര്‍ച്ചില്‍ വിശുദ്ധ കുര്‍ബ്ബാനാനന്തരം നടന്ന വാര്‍ഷികാഘോഷങ്ങളുടെ ഉദ്ഘാടനം സഭയുടെ കൊല്‍ക്കത്ത ഭദ്രാസനാധിപന്‍ ഡോ. ജോസഫ് മാര്‍ ദീവന്നാസിയോസ് മെത്രാപ്പോലീത്താ നിര്‍വ്വഹിച്ചു.

ആധുനിക സമൂഹത്തില്‍ തിന്മയുടെ സ്വാധീനം വര്‍ദ്ധിക്കുമ്പോള്‍ ആത്മീയതയിലധിഷ്ഠിതമായ ജീവിത ശൈലി രൂപപ്പെടുത്തുന്നതിനും നന്മയുടെ പാതയില്‍ സമൂഹത്തെ വഴിനടത്തുവാന്‍ യുവാക്കള്‍ കര്‍മ്മനിരതരാകണമെന്നും അദ്ദേഹം പറഞ്ഞു. ഇടവക വികാരി ഫാ. ജേക്കബ് മാത്യു അദ്ധ്യക്ഷത വഹിച്ച സമ്മേളനത്തില്‍ അസോസിയേറ്റ് വികാരി ഫാ. കുര്യാക്കോസ് വര്‍ഗീസ്, മാര്‍ത്തോമ്മാ ഇടവക വികാരി റവ. ജോണ്‍സണ്‍ വര്‍ഗീസ്, ഇടവക ട്രസ്റ്റി മാത്യു വര്‍ഗീസ്, യുവജന പ്രസ്ഥാനം സെക്രട്ടറി അജു തോമസ്, ജനറല്‍ കണ്‍വീനര്‍ ബെന്‍സണ്‍ സ്‌കറിയ എന്നിവര്‍ പ്രസംഗിച്ചു. ചടങ്ങില്‍ യുവജന പ്രസ്ഥാനത്തിന്റെ സ്ഥാപക ഭരണസമിതി അംഗവും സഭാ മാനേജിംഗ് കമ്മറ്റി അംഗവുമായ ഗീവര്‍ഗീസ് യോഹന്നാനെ ആദരിച്ചു.

RELATED NEWS
അതു കൊണ്ടു നിങ്ങൾ എന്റെ കല്പനകൾ അനുസരിച്ചു എന്റെ വിധികൾ പ്രമാണിച്ചു ആചരിക്കേണം; എന്നാൽ നിങ്ങൾ ദേശത്തു നിർഭയം വസിക്കും.
- ലേവ്യപുസ്തകം 25:18
നമ്മുടെ കർത്താവായ യേശുക്രിസ്തുവിന്റെ നാളിൽ കുറ്റമില്ലാത്തവരായിരിക്കേണ്ടതിന്നു അവൻ നിങ്ങളെ അവസാനത്തോളം ഉറപ്പിക്കും.
- കൊരിന്ത്യർ 1
യഹോവതന്നേ നിനക്കു മുമ്പായി നടക്കുന്നു; അവൻ നിന്നോടു കൂടെ ഇരിക്കും; നിന്നെ കൈവിടുകയില്ല, ഉപേക്ഷിക്കയുമില്ല; നീ പേടിക്കരുതു, ഭ്രമിക്കയുമരുതു.
- ആവർത്തനം - അദ്ധ്യായം 31: 8
യാചിപ്പിൻ എന്നാൽ നിങ്ങൾക്കു കിട്ടും; അന്വേഷിപ്പിൻ എന്നാൽ നിങ്ങൾ കണ്ടെത്തും; മുട്ടുവിൻ എന്നാൽ നിങ്ങൾക്കു തുറക്കും.
- മത്തായി 7:7